افغانستان کی بلااشتعال فائرنگ، خاتون سمیت 5 پاکستانی جاں بحق، 20 زخمی

ژوب: پاک افغان سرحد پر افغان فورسز کی بلا اشتعال فائرنگ سے خاتون سمیت 5 پاکستانی جاں بحق جبکہ 20 افراد زخمی ہوگئے۔
ایکسپریس نیوز کے مطابق ژوب کے قریب سرحدی علاقے قمر دین میں افغان سیکیورٹی فورسز کی جانب سے بلا اشتعال فائرنگ کی گئی جس کے نتیجے میں 5 پاکستانی شہری جاں بحق جبکہ 20 زخمی ہوگئے، جاں بحق ہونے والوں میں ایک خاتون اس کے 2بھائی اور ایک لیویز اہلکار شامل ہیں، زخمیوں کو قریب ترین اسپتالوں میں منتقل کیا جارہا ہے۔
واضح رہے کہ افغان فورسز کی جانب سے اس سے قبل بھی مارٹر حملے اور بلااشتعال فائرنگ کی جاتی رہی ہے، مئی میں پاکستان نے افغان حکومت سے چیک پوسٹ پر فائرنگ پر احتجاج کیا تھا، نیز نارائی میں 11 نومبر 2012 کو افغان فورسز کی فائرنگ سے 2 بچوں سمیت 4 افراد جاں بحق ہوگئے تھے۔

– See more at: http://www.dailyausaf.com/2013/09/